Berre barnemat

Barnemat kostar faktisk ein del, og som den bevisste husmora som eg er fann eg i dag ut at eg skulle laga babymat sjølv. Me vil jo alle at barna skal veksa opp og bli store og sterke? Utan å undersøka oppskrift på nett eller spørja om råd på helsestasjonen skreid eg til verket medan minien sov formiddagsluren sin. To små poteter, ei gulrot og litt brokkoli stod på menyen i dag (og resten av veka kan det sjå ut som...) Stavmiksaren miksa det fint saman og i akkurat passeleg konsistens. Det vart inni hampen mykje mat av så lite?! Det ser ikkje særleg innbydande ut, men ein må jo berre nytta på når barna er så små at dei ikkje veit kva dei får! Selma likte det i alle fall så godt at det må gjentakast. Eg må etterkvart få med fleire ingrediansar i maten og gå til innkjøp av frysebeger. Nokon som har erfaringar på området?

Utanom det å vera god på barnemat, har eg i dag måla dette søte skrinet. Kan hende nokon klarar å gjetta fargen eg brukte? Bilder kjem kanskje seinare...





No skal eg ut i sooola! Ha ein fortsatt fin dag:-)

Kreativiteten lenge leve

For nokre veker sidan kom eg over ein blogg kor det vart oppfordra til å melda seg inn i hobbyklubben.no Litt impulsivt meldte eg meg inn fordi velkomstpakken var så bra. Eg hadde nesten gløymt heile greia, heilt til i dag då pakken kom i posten: O lykke!!!!





Gje meg nokre liter med rosa maling og litt sjabloner!!!!!!





Bilder laga av serviettar, lerret og decoupage! Dette skal eg klara.



I velkomstpakken var det med mange sånne scrapbooking-ark. Kanskje eg skulle prøvd meg på det og? Eller kanskje eg kan bruka dei til noko anna... Kjekt å ha i alle fall:-)

Dagens snop....



Desse lys-steinane kosta 39 kroner på Trend og
Nostalgi. Dei er jo eigentleg for fine til å brenna og brennetida er berre tre timar, men eg trur nesten dei er finare utan flamme eg!?

Det er berre så fantastisk fint vær for tida. Energien boblar, men det vert ikkje alltid gjort så mykje likevel. Vanskeleg å finna ut kva prosjekt som skal vera det neste:-/ Ha ein fin måndagskveld alle saman<3

Sol ute, sol inne...

Skumring og telys på stovebordet. I dag har eg vore i Bergen ein tur. Med solbriller på nasa spankulerte eg rundt i finveret, men eg skal ikkje legga skjul på at det vart litt trøing innandørs og:-/

På Bystasjonen har det kome ein ny, kjekk og dyr butikk som heiter by Sam. Dei sel interiørartiklar, kle, vesker og tilbehør frå merker som; Andersen & Lauth, Lene Bjerre, Marlboro Classic, Bruuns Bazar, Comfyclogs og Dr.Martens.



Var innom Birte Bo ein tur og. Litt synd at butikken er så liten!



Fann fine klesplagg av Line of Oslo, men eg kjøpte ingenting. Får heller ønska meg til bursdagen som er om ikkje lenge:-)






Akkurat slik eg likar det; feminint, komfy og bohemaktig. Håpar alle har fått litt sol på seg i dag:-) God laurdagskveld!!!

Pompadour

"Pompadour er navnet på en slik liten poseveske med rund bunn, som lukkes ved å trekke sammen bånd oventil. Muligens ble den først laget av Madame Pompadour- den kjente, motedannende franske kurtisanen, og av den grunn fått hennes navn. I alle fall er det en søt og brukbar veske, særlig til selskapsbruk, og kan sys i et hvilket som helst materiale, fra fineste silke til tynt skinn. Det er en søt og populær gave å lage, men også fin til eget bruk. Sy den i samme stoff som selksapskjolen din eller som den fineste sommerkjolen" (Sitat er henta frå boka SØM- sy vakre ting til hjemmet, av Sue Thompson)

Eg er heller usikker på om min siste kreasjon svarar til pompadourdefinisjonen til Thompson, men den har rund bunn og snorer oventil. Eg skal sy fleire slike, men da skal eg ha snorene lenger nede, slik at det blir ein finare rynkekant oppe... Eg vil og følga oppskrifta i boka neste gong:-/ Eg tenkjer at det kan vera ei fin veska å ha toalettsaker eller sminke oppi. Enkel å laga og fin å gje vekk gåve...

God fredagskveld:-)

Wallpaper from the 70s

Nokre gonger så dukkar det opp interessante nettsider som ein berre ikkje KAN la gå upåakta hen. Som tapetnettbutikken wallpaperfromthe70s.com













Eg drøymer om eit kjøkken frå Kvik.... Det skal berre ha benkeskap. Kanskje med kvite dører, eller dører i valnøttfiner, uprofilerte og utan handtak. På eine veggen, over benkeplata (som er kvit), skal det vera fin "varm" tapet slik at rommet ikkje vert minimalistisk. Kjøkkenet må og ha hyller slik at eg kan setja fram fine ting. Hyller er berre *smask*! Det er viktig med draumar. Dei kan jo bli verkelege... ein vakker dag!?

Smukke skap og skjenke

Vips! Så kom eg over Tante Lilla, ein dansk nettbutikk med mykje fint å sjå på. Enig? I dag skal eg gå tur, og etter at Selma har lagt seg for kvelden skal eg på date med Bernina:-) Kva som kjem ut av den får de sjå ein annan dag..








Hugs å trekka den gode og friske vårlufta godt ned i lungene! Ha ein fin dag alle saman:-)

Litt om gangen

Det gjekk plutseleg opp for meg at det var på tide å gjera noko i gangen og. Ein stor gullspegel frå IKEA og ein gammal krakk vart måla kvit (eg brukte ikkje sprayen). Putetrekket har eg sydd av stoff frå Fabric Rehab. På veggen skal det kanskje opp fleire bilder i svarte rammer og spegelen skal spikrast fast, men da trengs handymannen så det vert gjort ein annan dag. To be continued:-)

Engel i blått

Selmaen vår er snart 7 månader<3 I dag skal me nyta siste påskedagen med å gå tur. Kanskje det vert eit lite kafèbesøk og? Ha ein fin dag alle saman!

Me like....

Desse udøyelege klassikarane kom eg over på villaeuropa.no

Eames står øvst på ønskelista...


Eg har lurt på kva spareordning som vil kunna fungera lenge nok til at eg f. eks kunne få tak i seks slike til å ha rundt spisebordet. Panteautomaten på butikken er ei løysing. Ein vinn faktsik ganske ofte om ein trykker på røde kors-knappen i staden for å trykka ut pantelappen. Så puttar ein berre vinnarlappen oppi lomma på barnevogna og liksom gløymer at ein har vunne noko. Lurt?


Eller å ha ein slik i gangen<3








I mellomtida pimpar eg opp ein kjøkkenstol frå Living og malar ein gammal krakk.. God søndag frå Vivi:-)

Ib Laursen

Til det kvite kjøkkenbordet mitt har eg sydd ein liten duk av stripete stoff frå Fabric rehab. Det er godt å kjenna at våren er i anmarsj og eg får lyst til å tilføra hus og heim mønster og spreke fargar:-) Den vesle lappen av ein duk passa og godt til den gamle skåla frå Villeroy og Boch, samt lysestaken frå Ib Laursen. Ib Laursen sin nettkatalog er veldig oversikteleg og kjempefin. Du finn den her



Riktig god påskeaftan til alle besøkande:-)

P.S. Noko som funkar bra for liten og stor er å laga rebus eller gåte for å finna påskeegget. Å leita etter mitt påskeegg er som å finna nåla i høystakken, men me får vel prøva:-)